Қазақстан құрамасы Олимпиада-2026 медаль кестесінде 15-орынға көтерілді
Михаил Шайдоровтың қысқы Олимпиада-2026 ойындарындағы жеңісінен кейін Қазақстан құрамасы медаль кестесіне енді және жалпы есептегі орнын жақсартты, деп хабарлайды Pin-UpSport.kz. Ерлер арасындағы жеке мәнерлеп сырғанаудағы алтын медаль ұлттық құрамаға 15-орынды қамтамасыз етті.
Қазіргі таңда Қазақстан құрамасының қоржынында бір алтын медаль бар. Осы көрсеткішпен команда медаль кестесінде бір алтын жүлдесі бар Ұлыбритания құрамасымен 15-орынды бөлісіп тұр. Жалпы есепте орындар ең алдымен алтын медаль саны бойынша анықталады.
Қысқы Олимпиада ойындарының көшін Норвегия құрамасы бастап келеді. Оның еншісінде сегіз алтын, үш күміс және жеті қола медаль бар. Екінші орында 6-3-9 көрсеткішімен Италия орналасқан. Үздік үштікті төрт алтын, жеті күміс және үш қола жүлдесі бар АҚШ құрамасы түйіндеп тұр.
Қазақстанға жалғыз алтын медальді Михаил Шайдоров әкелді. Ол ерлер арасындағы жеке сайыста екі бағдарламаның қорытындысы бойынша 291,58 ұпай жинап, турнирдің ресми хаттамасында бірінші орынға ие болды.
Айбар Рысдаулет
Михаил Шайдоров Олимпиададағы Қазақстан медаль қорын толықтырды
Александр Бублик Роттердамдағы ATP 500 турнирінің жартылай финалына шықты