Әліби Ыдырыс UFC-дегі дебюті алдында допинг-бақылаудан өтті
Фото: Zuffa LLC
Қазақстандық ММА жауынгері Әліби Ыдырыс UFC-дегі алғашқы жекпе-жегі қарсаңында допинг-бақылаудан сәтті өтті, деп хабарлайды Pin-UpSport.kz.
Антидопингтік тексеріс UFC құрамындағы барлық спортшыларға қолданылатын стандартты рәсім аясында жүргізілді және бұл сынама Ыдырыс үшін 2026 жылғы алғашқы тексеріс болды.
Допинг-бақылау туралы ақпаратты UFC-дегі тексерістерді қадағалайтын UFC Drug Testing Watch парақшасы жариялады. Мәліметке сәйкес, сынама қазақстандық спортшыдан өткен аптада алынған. UFC жүйесінде мұндай тексерістер жекпе-жек алдында да, жарыстан тыс кезеңде де тұрақты түрде өткізіледі және спортшының рейтингі мен тәжірибесіне қарамастан жүзеге асырылады.
Әліби Ыдырыс UFC-дегі дебюттік кездесуін 21 ақпанда Хьюстон қаласында өтетін UFC Fight Night турнирінде өткізеді. Қазақстан уақытымен бұл жекпе-жек 22 ақпан күні таңертең басталады. Оның қарсыласы – ямайкалық Оди Осборн, кәсіби рекорды 13 жеңіс пен 9 жеңілістен тұрады. Айқас ең жеңіл салмақ дәрежесінде өтеді және Ыдырыс үшін UFC-дегі алғашқы ресми сынақ болмақ.
Қазақстандық файтердің соңғы жекпе-жегі 17 тамызда өтті. UFC 319 турнирі аясында The Ultimate Fighter реалити-шоуының финалында Әліби Ыдырыс америкалық Джозеф Моралеске сабмишнмен мерзімінен бұрын есе жіберді. Соған қарамастан, ол UFC басшылығының сеніміне ие болып, әлемдегі ең беделді ММА лигасымен келісімшартқа қол жеткізді. Алдағы жекпе-жек Ыдырыс үшін жаңа деңгейде өз мүмкіндігін дәлелдеуге берілетін маңызды мүмкіндік саналады.
Айбар Рысдаулет
Елена Рыбакина Дохада өтетін WTA 1000 турниріне қатысады
Роналду мансабын «Спортингте» аяқтауы мүмкін