Artline Kazakhstan Мизанодағы маусым финалында үздік үштіктен көрінді

img 8622 scaled

Италияның әйгілі Мизано автодромында өтіп жатқан Lamborghini Super Trofeo Europe сериясының финалдық кезеңінде Artline Kazakhstan командасы тамаша нәтиже көрсетті. Шота Абхазава мен Егор Оруджев дуэті 50 минуттық жарыста Pro-Am санатында екінші орын алып, маусымды жарқын бастады.

Бәйгені Шота Абхазава бастады. Ол алғашқы айналымдардан-ақ сенімді жүріп, екі позиция жоғары көтерілді және көлікті Егор Оруджевке бесінші орында тапсырды. Екінші кезеңде Оруджев шапшаңдық пен тұрақтылық танытып, қарсыластарымен тайсалмай күресті. Нәтижесінде қазақстандық экипаж Pro-Am сыныбында подиумға көтеріліп, жалпы есепте оныншы болды.

«Бүгінгі нәтиже – үлкен еңбектің жемісі. Пилоттарымыз тактиканы дұрыс қолдана білді, күресті соңына дейін тоқтатпады. Мизано – бәсекелестігі ерекше жоғары трасса, сондықтан жүлделі орын біз үшін өте маңызды», – деп атап өтті Artline Kazakhstan баспасөз қызметі.

Мизано кезеңі Lamborghini Super Trofeo Europe маусымының Еуропа бөлігін қорытындылайды. 6–9 қараша аралығында өтетін жарыстарда Еуропа, Азия және Солтүстік Америкадан келген үздік командалар әлемдік финалда бақ сынайды. Бұл додада елімізді таныстырып жатқан жалғыз команда – Artline Kazakhstan.

Айта кетейік, биыл команда бірқатар ірі халықаралық жарыстарда жүлдеге ілігіп, тамыз айында Нюрбургрингтегі кезеңде екі күміс медаль жеңіп алды, сондай-ақ шілде айында Мизанода өткен GT2 European Series сайысында чемпион атанған болатын.

Нәтижелер. 1-жарыс– 6 қараша 2025, Мизано

1 – Стати / Лейтч (Leipert Motorsport) – 31 айналым
2 – Леве / Путера (VSR) +1.337
3 – Бондюэль / Фонтана (BDR) +3.797
4 – Фрабони / Педрини (Target Racing) +4.127
5 – Риттер / Преториус (Leipert Motorsport) +8.536
6 – Бенедетто / Стриньяно (Rexal Villorba) +15.894
7 – Джерачи / Кнопп (Oregon Team) +20.347
8 – Левандовски / Шандорфф (ASR) +25.015
9 – Гвидо Лукетти (Target Racing) +27.697
10 – Абхазава / Оруджев (Artline Kazakhstan) +37.928

Автор туралы

Айбар Рысдаулет

Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Соңғы жаңалықтар
27 Окт - 16:00 Басқа
Қазақстан құрамасының Дакардағы жасөспірімдер Олимпиадасына қатысатын құрамы жарияланды
21 Окт - 10:30 Басқа
Қазақстандық садақшылар Азия Пара ойындарында күміс медаль жеңіп алды
21 Окт - 09:05 Басқа
Ислам Салимов Азия Пара ойындарында күміс медаль жеңіп алды
21 Окт - 08:30 Басқа
Махамбет Серікқалиев Азия Пара ойындарында қола медаль жеңіп алды
20 Окт - 13:05 Басқа Футбол
Қазақстан құрамасы әлем чемпионатына іріктеуді Беларусьпен матчтан бастайды
20 Окт - 12:00 Басқа
Биржан Оразов: Қазақстан құрамасының мақсаты – іріктеу тобында бірінші орын алу
20 Окт - 11:20 Басқа
Севда Әлиева Азия Пара ойындарында үздік алтылыққа енді
20 Окт - 10:49 Басқа
Қазақстандық мәнерлеп сырғанаушылар Budapest Trophy додасында жүлдесіз қалды
20 Окт - 09:15 Басқа
Қазақстан пара үстел теннисінен Азия Пара ойындарындағы алғашқы медальдарын алды
20 Окт - 08:20 Басқа
Гүлім Құрманбаева Азия Пара ойындарында жүлдеге сәл жетпей қалды