Сауд Арабиясы Мессидің уақытша ауысу ұсынысына жауап берді
Лионель Месси.
Лионель Месси мен Криштиану Роналдуның бір чемпионатта қайта тоғысуы туралы әңгіме тағы да өзекті бола түсті, деп хабарлайды Pin-UpSport.kz. Бұл жолы сөз Мессидің МЛС маусымындағы төрт айлық үзіліс кезінде Сауд Арабиясының Про-лигасына уақытша ауысуы жайында болды.
Жергілікті БАҚ мәліметінше, Мессидің командасы аргентиналық жұлдыздың бір саудиялық клубта уақытша ойнау нұсқасын ұсынған. Алайда «Махд» спорт академиясының бас директоры Абдалла Хаммад мұндай идеяны қолдамайтынын жеткізді.
«Клубтық әлем чемпионаты кезінде Мессидің өкілдері менімен хабарласып, оның Сауд Арабиясында ойнау мүмкіндігін талқылады. Себебі МЛС маусымы төрт айға тоқтайды, ал ойыншы формасын сақтап, 2026 жылғы әлем чемпионатына дайын болғысы келеді. Дэвид Бекхэм кезінде осылай жасаған болатын — “Лос-Анджелес Гэлакси” сапында ойнап жүріп, “Миланға” уақытша ауысқан еді. Бірақ министр біздің лига басқа турнирлерге дайындық алаңы болмайтынын нақты айтты», — деді Хаммад.
Осылайша, Месси мен Роналдуның бір чемпионатта қайта кездесуі әзірге мүмкін болмай тұр. Сауд Арабиясының Про-лигасы қысқа мерзімді келісімдерден бас тартып, тек тұрақты және стратегиялық негіздегі келісімшарттарға басымдық береді.
Айбар Рысдаулет
Ілияс Хамзин Karate Combat лигасының орта салмақтағы чемпионы атанды
Ислам Чесноков Шотландияның «Хартс» клубына ауыспайтын болды