Ілияс Хамзин Karate Combat лигасының орта салмақтағы чемпионы атанды
Фото: RCC
Ресейде тұратын қазақ файтері Ілияс Хамзин Karate Combat лигасында чемпиондық атаққа ие болды, деп хабарлайды Pin-UpSport.kz. Ол Майами (АҚШ, Флорида штаты) қаласында өткен Karate Combat 57 турнирінің басты жекпе-жегінде жеңіске жетті.
Орта салмақтағы чемпиондық белбеу сарапқа салынған кездесуде Хамзин америкалық Адриан Уэзерсбимен жұдырықтасты. Бес раундқа созылған айқаста төрешілер бірауыздан шешім шығарып, 48–46 есебімен жеңісті Ілиясқа берді. Осылайша, ол Karate Combat ұйымының орта салмақтағы жаңа чемпионы атанды.
Karate Combat лигасы толықконтактті каратэ ережелері бойынша өткізіледі. Жекпе-жектер арнайы еңіс қабырғалы «шұңқыр» алаңында, төрт унциялы қолғаптармен өтеді.
Бұл жеңіс Ілияс Хамзиннің мансабындағы ең маңызды жетістіктердің бірі болды. Ол алдағы маусымда чемпиондық белбеуін қорғау үшін дивизионның үздік спортшыларымен кездеседі.
Айбар Рысдаулет
Дамир Исмағұлов Karate Combat лигасында нокаутпен жеңіске жетті
Сауд Арабиясы Мессидің уақытша ауысу ұсынысына жауап берді