Жәнібек Әлімханұлының келесі қарсыласы анықталды
Жанибек Алимханулы
Жанкүйерлер 7 желтоқсанда өтетін, Жәнібек Әлімханұлы мен Эрисланди Лара арасындағы WBO, IBF және WBA белбеулері сарапқа салынатын жекпе-жекті тағатсыздана күтіп жүрген сәтте, қазақстандық боксшының келесі қарсыласы белгілі болды, деп хабарлайды Pin-UpSport.kz.
Промоутер Эдди Хирннің айтуынша, Халықаралық бокс федерациясы (IBF) желтоқсандағы жекпе-жектің жеңімпазына міндетті қорғаныс белгіледі. Бұл кездесуде қарсылас америкалық Остин «Аммо» Уильямс (19–1, 13 КО) болмақ.
«IBF мәліметінше, 7 желтоқсандағы Жәнібек – Лара жекпе-жегінің жеңімпазы міндетті түрде Уильямспен жұдырықтасуы керек. Бұл – оның мансабындағы үлкен мүмкіндік», — деді Хирн IFL TV арнасына берген сұхбатында.
Егер Әлімханұлы желтоқсанда жеңіске жетсе, келесі айқас үш чемпиондық белбеуді қорғау жекпе-жегі болмақ. Ал Уильямспен кездесуі орта салмақ тарихындағы ең қызықты қарсыласулардың біріне айналуы ықтимал.
