Дензел Бентли Жәнібек Әлімханұлымен реванш өткізгісі келеді
Жанибек Алимханулы. Фото: The Astana Times
Британдық боксшы, орта салмақтағы үш дүркін Ұлыбритания чемпионы Дензел Бентли (21–3–1, 17 КО) қазақстандық WBO және IBF белбеулерінің иегері Жәнібек Әлімханұлымен реванш өткізуді мақсат етіп отыр, деп хабарлайды Pin-UpSport.kz.
Бентли 2022 жылдың қарашасында «Қазақ стиліне» төрешілердің бірауыз шешімімен есе жіберген еді. Сол кезден бері ол қайта кездесуге ниетті екенін бірнеше рет мәлімдеген. 25 қазанда ол венесуэлалық Эндри Сааведрамен (17–1–1, 14 КО) WBO нұсқасы бойынша міндетті үміткер атағы үшін жұдырықтасуы тиіс болған, бірақ жекпе-жек кейінге қалдырылуы мүмкін.
«25 қазандағы кездесу өтпей қалуы ықтимал, біз бұл мәселені қарастырып жатырмыз. Ал Жәнібекпен реваншқа келсек, біз оны біраз уақыттан бері ұйымдастыруға тырысып келеміз. Жәнібектің алдағы жекпе-жегінен кейін ол міндетті қарсыласымен жұдырықтасуы керек, сол кезде Дензел басты үміткерлердің бірі болмақ», — деді Фрэнк Уоррен.
Бұған дейін америкалық БАҚ Жәнібек Әлімханұлы желтоқсан айында орта салмақтағы WBA чемпионы Эрисланди Ларамен (31–3–3, 19 КО) үш белбеу үшін кездесу өткізу жөнінде келіссөз жүргізіп жатқанын хабарлаған еді.
