Шавкат Рахмоновтың UFC-дегі болашағы жайлы қауесет тарады
Шавкат Рахмонов. Фото: Zuffa LLC
Ресейлік Telegram-арналарда қазақстандық спортшы Шавкат Рахмоновтың UFC ұйымынан кетуі мүмкін екені жөнінде хабар тарады, деп жазады Pin-UpSport.kz.
«Колос» арнасының авторы Владимир Колос: «Шавкат Рахмонов UFC-пен қош айтысып жатыр» деп жазды. Блогер қазір Лас-Вегаста жүр және 4 қазанда өтетін UFC 320 турнирін жариялауды жоспарлап отыр. Бірақ ол бұл тақырыпқа қатысты нақты мәлімет бермеді.
Ал Dar Team командасы бұл қауесетке түсініктеме беруден тартынды. «Шынымды айтсам, бізде бұл туралы ешқандай ақпарат жоқ», – деді Рахмоновтың жаттықтырушысы Эдуард Базров. Дегенмен команданың ресми парақшасында Шавкаттың жаттығу жасап жатқан сәттері жарияланды.
Еске сала кетсек, Рахмонов соңғы рет UFC октагонына 2024 жылдың желтоқсанында шығып, ирландиялық Иэн Гэрриді жеңген еді. Мамыр айында ол тізесіне ота жасатып, қазір оңалту кезеңінен өтуде. Сарапшылардың айтуынша, 2025 жылы Шавкаттың октагонға оралуы екіталай.
