Куртуа агенті Шерхан Қалмырзаның болашағына баға берді
Фото: Getty Images
Мадридтік «Реалдың» қақпашысы Тибо Куртуаның агенті Кристоф Анроте қазақстандық жас голкипер Шерхан Қалмырзаның Еуропада ойнау мүмкіндігі туралы пікір білдірді, деп хабарлайды Pin-UpSport.kz.
«Бес гол жіберу – жағымды болмаса да, үлкен тәжірибе. Шерханды әлі талай жетістік күтіп тұр деп ойлаймын. Бірақ Еуропада ойнауы тек оның ойынына ғана емес, сонымен бірге карьерасын жүргізетін адамдарға да байланысты», – деді бельгиялық қақпашының өкілі ASNews-қа берген сұхбатында.
Еске салсақ, Лига чемпиондарының екінші турында «Қайрат» «Реалдан» 0:5 есебімен жеңілді. Матчтан кейін Куртуа 18 жастағы қазақстандық қақпашыны әлеуметтік желіде атап өтіп, оның оқырмандарының саны 350 мыңға дейін өсті. Қалмырза негізгі құрамда алғаш рет қыркүйекте «Ақтөбеге» қарсы өткен ойында (1:0) алаңға шыққан еді.
