Геннадий Головкин шаршы алаңға қайта оралуы мүмкін екенін айтты
Фото: Sports Illustrated
Қазақстан ҰОК президенті, әлем боксының аңызы Геннадий Головкин қайта рингке шығу мүмкіндігін жоққа шығармады, деп хабарлайды Pin-UpSport.kz BoxingScene сайтына сілтеме жасап.
World Boxing ұйымы өткізген әлем чемпионатында қазақстандықтар жүлдегер атанған сәтте Головкин «ескі эмоцияларын қайта сезінгенін» мойындады.
«Иә, неге болмасқа? Мен осында жүріп бұрынғы сезімдерімді қайта сезіндім», — деді ол камбэк жайлы сұраққа жауап бергенде.
Алайда Геннадий мерзімі мен ықтимал қарсыласы туралы нақты айтпады. Оның еншісінде 45 жекпе-жек, 42 жеңіс (37-сі нокаутпен), екі жеңіліс және бір тең нәтиже бар. Соңғы рет ол 2022 жылдың қыркүйегінде Сауль «Канело» Альвареспен кездесіп, ұпай санымен ұтылған еді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
