Кроуфордтың жеңісі айқын болды: Канело үшінші рет қалай ұтылды?
Фото: TKO Worldwide LLC via Getty Images
14 қыркүйекте Лас-Вегастағы T-Mobile Arena аренасында жылдың басты айқастарының бірі өтті. Шаршы алаңға АҚШ өкілі Теренс Кроуфорд пен мексикалық Сауль «Канело» Альварес шықты, деп хабарлайды Pin-UpSport.kz.
Бірінші раундтардан-ақ Кроуфорд басымдықты қолға алды. Ол жылдамдығы мен дәлдігімен алға шығып, алғашқы төрт раундты айқын өз пайдасына жаздырды. Канело бесінші раундта ғана қарсы шабуылға шығып, одан кейін тоғызыншы және он бірінші раундтарда басымдық танытты.
Алайда жалпы қарқыны мен рингтегі бақылауы Кроуфордқа айқын жеңіс әкелді. Қазылар шешімі бірауыздан болды: 116-112, 115-113, 115-113.
Осылайша, америкалық боксшының рекорды мінсіз күйінде қалды: 42 жеңіс (31 нокаут). Ал Альварес мансабындағы үшінші жеңілісіне тап болды. Оның еншісінде 63 жеңіс пен екі тең нәтиже бар.
