Журова Нидерландының ресейлік гимнасткаларға виза бермеуін сынға алды
Ресей Мемлекеттік думасының депутаты, конькимен жүгіруден Олимпиада чемпионы Светлана Журова Нидерландыда өтетін әлем чемпионатына ресейлік жетекші гимнасткаларға виза берілмеуін жосықсыз бәсекелестік деп бағалады, деп хабарлайды Pin-UpSport.kz. Оның пікірінше, бұл жағдайды спорттық себептермен ғана түсіндіру қиын.
Әңгіме Роттердамда өтетін әлем чемпионатына қатысуы тиіс спортшылар туралы болып отыр. Ресей спорттық гимнастика құрамасының бұрынғы аға жаттықтырушысы Валентина Родионенко Ангелина Мельникова, Виктория Листунова және Анна Калмыкова жарысқа бару үшін қажетті визаларды ала алмағанын мәлімдеді. Әлем чемпионаты 17-25 қазан аралығында өтеді. Бұл дода 2028 жылы Лос-Анджелесте өтетін Олимпиада ойындарына іріктеу кезеңдерінің бірі саналады.
«Это никакая не политика, а просто недобросовестная конкуренция. И что бы они ни говорили, как бы ни пытались нас убедить в обратном, других слов нет — полный беспредел», – деді Журова.
Ресей Гимнастика федерациясы визадан бас тартудың ресми себебі ретінде «халықаралық қатынастарға қауіп» көрсетілгенін хабарлады. Осыған байланысты Ресей Олимпиада комитеті Халықаралық олимпиада комитетіне және World Gymnastics ұйымына жүгінуді жоспарлап отыр. Ресей тарапы Роттердамдағы әлем чемпионатының Олимпиада-2028 ойындарына іріктеу мәртебесін қайта қарауды талап етпек. Осылайша, ресейлік гимнасткалардың жарысқа қатысу мәселесі халықаралық спорт ұйымдарының талқылауына шығарылуы мүмкін.
