Жозе Альдо қоштасты: UFC жұлдызы мансабын аяқтады
Жозе Альдо. Фото: Zuffa LLC
Канаданың Монреаль қаласында өткен UFC 315 турнирінде әйгілі бразилиялық файтер Жозе Альдо октагонға қайта оралды. Оның қарсыласы – жергілікті спортшы Эйеманн Захаби болды.
Үш раундқа созылған жекпе-жекте төрешілердің бірауызды шешімімен жеңісті канадалық спортшы иеленді. Бұл Захабидің мансабындағы 15-жеңісі болды (15-2). Ал Альдоның көрсеткіші енді 32 жеңіс пен 11 жеңілістен тұрады.
Жекпе-жектен кейін 38 жастағы Жозе Альдо кәсіби мансабын аяқтайтынын мәлімдеді. Ол ММА-де 2004 жылдан бері өнер көрсетіп, 2011 жылы UFC ұйымына қосылған. Альдо – жартылай жеңіл салмақтағы бұрынғы чемпион және UFC Даңқ залына енген спортшы.
Айта кетейік, турнирдің басты жекпе-жегі – Белал Мұхаммед пен Джек Делла Маддалена арасындағы чемпиондық кездесу – кешірек өтеді.
Айбар Рысдаулет
Шавкатқа жол ашылды: Белал белбеуден айырылды
Қазақстандық таэквондошы әлем чемпионы атанды