Қазақстандық таэквондошы әлем чемпионы атанды
Хамзаальпер Ромашкин. Фото: SMI24.kz
БАӘ-нің Фуджейра қаласында өтіп жатқан жастар арасындағы таэквондодан (WT) әлем чемпионатында Хамзаальпер Ромашкин алтын медаль жеңіп алды.
61 келі салмақта сынға түскен отандасымыз финалда канадалық Никола Самордичті айқын басымдықпен ұтып, жеңіс тұғырынан көрінді.
Ромашкин ақтық сынға дейін Иордания, Иран және Тайбэй спортшыларын да қапы қалдырған. Барлық жекпе-жекте ол қарсыластарынан басым түсті.
Айта кетейік, бұл чемпионатқа әлемнің 81 елінен 800-ден аса спортшы қатысып жатыр. Жарыс 14 мамырға дейін жалғасады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
