Шавкатқа жол ашылды: Белал белбеуден айырылды
Джек Делла Маддалена. Фото: Getty Images
Канаданың Монреаль қаласында өткен UFC 315 турнирінде басты жекпе-жек жартылай орта салмақтағы чемпиондық белбеуге арналды.
Белал Мұхаммед чемпиондық атағын алғаш рет қорғауға шыққан болатын. Оның қарсыласы – Аустралиядан келген Джек Делла Маддалена. Бес раундқа созылған жекпе-жекте төрешілер бірауыздан жеңісті Маддаленаға берді.
Осылайша, Белал мансабындағы үшінші жеңілісіне ұшырады. Оның еншісінде – 24 жеңіс және бір жекпе-жек нәтижесіз аяқталған. Жаңа чемпион Джектің кәсіби көрсеткіші – 17 жеңіс пен 2 жеңіліс.
Бұл нәтиже дивизиондағы жағдайға тікелей әсер етті. Қазір рейтингтің екінші сатысында тұрған қазақ файтері Шавкат Рахмонов (19-0) чемпиондық белбеуге басты үміткерлердің бірі саналады. Ол бастапқыда Белалмен титул үшін кездесу керек еді, алайда жарақатына байланысты турнирден шет қалған болатын. Енді Шавкатқа чемпиондық жекпе-жекке шығуға мүмкіндік есігі қайта ашылды.
Айбар Рысдаулет
18 жастағы Алуа Нұрман Азия чемпионы атанды
Жозе Альдо қоштасты: UFC жұлдызы мансабын аяқтады