Жоржиньо Премьер-лиганың ең нәтижелі ойыншысы атанды
Жоржиньо. Фото: ФК Кайрат
Алматылық «Қайраттың» португалиялық шабуылшысы Жоржиньо Қазақстан Премьер-лигасының 2025 жылғы маусымындағы «гол+пас» көрсеткіші бойынша көш бастады. Ол осы уақытқа дейін төрт гол соғып, алты нәтижелі пас берген. Соның үшеуін жуырда ғана «Ұлытауға» қарсы ойында жасап шықты.
Жоржиньо биыл 563 минут алаңда өнер көрсетті. Орта есеппен әр 57 минут сайын бір нәтижелі әрекет жасап отыр. Оның ізін «Астананың» хорват ойыншысы Марин Томасов (6 гол, 3 пас) және «Қайраттың» жас жұлдызы Дастан Сатпаев (6 гол, 2 пас) қуып келеді.
Үздік бестікке сондай-ақ Усман Камара (2 гол, 3 пас) мен Гиорги Зария (4 гол, 1 пас) енді – екеуі де «Қайраттың» намысын қорғайды. Қазіргі таңда «Қайрат» 20 ұпаймен турнир кестесінде көш бастап тұр. Бірақ бүгін «Астана» «Қайсарға» қарсы ойында жеңіске жетсе, ұпай санын теңестіріп алуға мүмкіндігі бар.
Айбар Рысдаулет
Канело мен Кроуфордтың мега айқасы қашан өтетіні белгілі болды
Қазақстанның ең сұлу боксшысы Балауса Муздиман келесі қарсыласын білді