Жоао Педро «Челсиді» финалға алып шықты
Фото: Getty Images
Жоао Педроның қос голы ағылшындық «Челси» командасына клубтық әлем чемпионатының финалына жолдама әперді — олар бразилиялық «Флуминенсені» 2:0 есебімен жеңді, деп хабарлайды Pin-UpSport.kz.
Лиам Делаптың ойыннан шеттетілуіне байланысты бас бапкер Энцо Мареска шабуыл шебіне Жоао Педроны шығарды. 18-минутта бразилиялық шабуылшы айып алаңы сыртынан тамаша соққы жасап, есеп ашты.
Екінші таймда Педро қарсылас аймағына сол қапталдан еніп, есепті еселеді. «Челси» ойын тізгінін уысынан шығармай, бірнеше қауіпті сәттер жасағанымен, есеп өзгермеді.
Бұл — «Челсидің» турнир барысында бразилиялық клубтарға қарсы үшінші жеңісі. Жоао Педро осы жарыста команда көшбасшысы атанып, басты қаһарманға айналды.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
