Жамиля Бақбергенова Азияның төрт дүркін чемпионы атанды
Жамиля Бакбергенова
Иорданияның Амман қаласында өтіп жатқан әйелдер күресінен Азия чемпионатында Жамиля Бақбергенова алтын жүлдеге ие болды. Ол 72 келі салмақ дәрежесінде топ жарды.
Финалда отандасымыз Қытай балуаны Юци Люмен белдесіп, 4:1 есебімен жеңіске жетті. Кездесу өте тартысты өтті, алайда шешуші сәттерде Жамиля басымдығын көрсете білді.
Бұл – Бақбергенованың мансабындағы төртінші құрлықтық чемпионы атағы. Ол тағы да өзінің Азиядағы ең мықты балуандардың бірі екенін дәлелдеді.
Қазақстан әйелдер құрамасы бұл жарысты екі медальмен аяқтады. Бұған дейін 53 келіде Зейнеп Баянова қола жүлде еншілеген еді. Ертең, 29 наурыз күні, еркін күрес шеберлері бозкілемге шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
