Жәнібектің нокауты үздік ондыққа енді
Жанибек Алимханулы. Фото: janibek_alimkhanuly/Instagram
DAZN стриминг платформасы 2025 жылдың алғашқы жартысындағы кәсіпқой бокс бойынша үздік нокауттардың уақытша рейтингін жариялады, деп хабарлайды Pin-Upsport.kz.
Тізімге орта салмақтағы WBO және IBF тұжырымдары бойынша әлем чемпионы Жәнібек Әлімханұлының жеңісі де енді. Ол 5 сәуірде Астанада өткен кездесуде француз Анауэль Нгамиссенгені бесінші раундта нокаутпен жеңіп, екі белдігін де қорғап қалды.
DAZN шолуында «Қазақ стилі» деген лақап атпен танылған чемпион соңғы төрт жекпе-жегінде де қарсыластарын мерзімінен бұрын тоқтатқанын ерекше атап өткен.
Жекпе-жектің шешуші сәтінде Жәнібек сол қолымен жойқын соққы жасап, артынан тағы бір дәл соққымен Нгамиссенгені сұлатып түсірді. Бұл нокаут орта салмақтағы өзге чемпиондарға берілген айқын белгі болды.
