Жәнібек пен Адамес жекпе-жегі ең күтілетін бестікке енді
Фото: Alamy Stock Photo
DAZN стримингтік платформасы жылдың ең көп күтілетін чемпиондық айқастарының бестігін жариялады, деп хабарлайды «Pin-Upsport.kz». Бұл тізімге қазақстандық Жәнібек Әлімханұлы (WBO және IBF белбеулері) мен WBC чемпионы Карлос Адамес арасындағы мүмкін жекпе-жек те кірді.
Сарапшылардың айтуынша, екі боксшы біраздан бері бір-біріне сес көрсетіп келеді. Жәнібек бұл кездесуді жыл соңында өтетін Канело мен Кроуфорд арасындағы жекпе-жектің андеркардында ұйымдастыруды сұрап, Түрки Әл Шейхке ұсыныс тастаған. Екі тараптың келіссөз жүргізе бастағаны да хабарланған.
DAZN рейтингінде бұдан бөлек Опетая – Рамирес (бірінші ауыр салмақ), Болл – Эспиноза (жартылай жеңіл салмақ), Фундора – Муртазалиев (бірінші орта салмақ) және Кольясо – Тадуран (ең жеңіл салмақ) кездесулері бар.
