Жәнібек Әлімханұлы үш чемпиондық белбеу үшін Эрисланди Ларамен жұдырықтасады
Жанибек Алимханулы. Фото: Getty Images
Орта салмақта WBO және IBF тұжырымдары бойынша әлем чемпионы Жәнібек Әлімханұлы (17-0, 12 КО) WBA белбеуінің иегері кубалық Эрисланди Ларамен (31-3-3, 19 КО) біріктіру жекпе-жегін өткізеді, деп хабарлайды Pin-UpSport.kz.
Boxingscene.com тілшісі Лэнс Пагмайрдың мәліметінше, жекпе-жек 6 желтоқсан күні АҚШ-тың Техас штатындағы Сан-Антонио қаласында өтеді. Бұл кездесу бокс кешінің қосалқы басты жекпе-жегі болады. Ал басты жекпе-жекте Исаак «Питбуль» Крус пен Ламонт Роуч кіші шаршы алаңға шығады.
Жекпе-жек PBC Prime Video платформасында PPV (ақылы көру) форматында көрсетіледі. Айта кетейік, Жәнібек Әлімханұлының мүддесін қорғайтын Top Rank промоутерлік компаниясы ESPN арнасымен келісімшарт аяқталғаннан кейін жаңа серіктес іздеуде.
Мамандардың айтуынша, бұл кездесу орта салмақтағы ең ірі айқастардың бірі болмақ. Соңғы рет мұндай деңгейдегі жекпе-жек 2018 жылы Геннадий Головкин мен Сауль Альварес арасындағы реванш кезінде өткен еді. Жеңімпаз үш чемпиондық белбеуді біріктіріп, абсолютті чемпион атағына бір қадам жақындайды.
Айбар Рысдаулет
Артем Резников: «Маңыздысы – ұлт емес, қай тумен шығатының»
Абу-Дабидегі Grand Slam турниріне Қазақстан құрамасы толық құраммен барады