Жәнібек Әлімханұлы қарсыласына соңғы талап қойды
Фото: janibek_alimkhanuly/Instagram
Орта салмақтағы WBO чемпионы Жәнібек Әлімханұлы Карлос Адамеске ашық мәлімдеме жасап, жекпе-жекке шықпаса, басқа қарсыласпен белбеуін қорғайтынын айтты, деп хабарлайды Pin-UpSport.kz.
Ол әлеуметтік желідегі жазбасында: «АҚШ-қа ұшып барамын. Қарашада жекпе-жекке дайын боламын! Адаместе соңғы мүмкіндіктер қалды. Егер келісім бермесе, мен белбеулерімді басқа боксшыларға қарсы қорғаймын. Сондықтан оған және менеджерлеріне: уақыттарыңыз таусылып жатыр!» – деп жазды.
Еске салайық, Жәнібек сәуір айында франциялық Анауэль Нгамиссенгені нокаутпен жеңіп, чемпиондық атағын сәтті қорғаған еді. Ал Адамеспен өтетін біріктіруші кездесу туралы нақты шешім әлі шыққан жоқ. Турки әл аш-Шейх бұл жекпе-жек өтпейтінін айтқанымен, Жәнібек оған үмітін үзбей отыр.
