Жәнібек Әлімханұлы Ларамен белбеулерді біріктіру жекпе-жегін өткізуі мүмкін
Жанибек Алимханулы. Фото: Getty Images
IBF және WBO белбеулерінің иегері, жеңіліссіз қазақстандық Жәнібек Әлімханұлы WBA чемпионы Эрисланди Лараға қарсы біріктіру айқасын өткізуге дайындалып жатыр, деп хабарлайды Pin-UpSport.kz BoxingScene басылымына сілтеме жасап.
Үш белбеу сарапқа салынатын кездесу желтоқсан айында өтетін Premier Boxing Champions (PBC) турнирінде ұйымдастырылмақ. Бұл кештің басты жекпе-жегі Айзек «Питбуль» Крус пен Ламонт Роуч арасындағы айқас болады.
Бұған дейін Жәнібектің қарсыласы WBC белбеуінің иегері Карлос Адамес болуы мүмкін деген ақпарат тараған. Екеуі бір жылдан аса уақыт әлеуметтік желілерде бір-біріне сес көрсетіп келгенімен, келіссөздер нәтиже бермеді. Қазір Адамес қазақстандық Мейірім Нұрсұлтановқа қарсы міндетті титул қорғауына дайындалып жатыр.
Әлімханұлы соңғы рет 5 сәуірде Астанада рингке шығып, француз Анауэль Нгамиссенгені нокаутқа жіберген болатын.
