Зайнутдинов ресми түрде «Динамо» ойыншысы атанды
Фото: ФК Динамо
Мәскеудің «Динамо» футбол клубы Қазақстан құрамасының жартылай қорғаушысы Бахтиёр Зайнутдиновты ресми түрде команда сапына қосқанын жариялады, деп хабарлайды Pin-UpSport.kz.
Клуб бұл ақпаратты әлеуметтік желідегі бейнеролик арқылы бөлісті. Онда Зайнутдиновты «Қош келдің!» деген жазумен қарсы алған. Осылайша, Бахтиёр Ресей чемпионатына қайта оралып отыр.
Айта кетейік, ол «Бешикташ» сапына 2023 жылдың жазында ПФК ЦСКА клубынан ауысқан болатын. Түркияда өткен маусымда барлығы 12 ойын өткізіп, бір нәтижелі пас берген.
Transfermarkt порталының мәліметінше, Зайнутдиновтың нарықтық құны — 3 миллион еуро. Оның «Динамомен» жасасқан келісімшарты 2027 жылдың жазы аяқталғанға дейін күшінде болады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
