Виктор Теміров тағы да рингте үстем түсті
Виктор Темиров. Фото: BoxRec
Кәсіпқой бокстағы жолын сәтті жалғастырып келе жатқан Виктор Теміров (8-0, 6 KO) 15 маусымда Германияның Ганновер қаласында кезекті жеңіске жетті. Ол поляк былғары қолғап шебері Лукаш Барабашты (4-17, 2 KO) нокаутпен жеңіп шықты, деп хабарлайды Pin-Upsport.kz.
Бірінші орта салмақта өткен жекпе-жек алты раундқа жоспарланған еді. Алайда Темиров жекпе-жекті ерте аяқтап, қарсыласын алғашқы раундтардың бірінде-ақ сұлатып салды. Рингтегі басымдық толығымен қазақстандық спортшының қолында болды. Ал Барабаш үшін бұл – мансабындағы 17-ші жеңіліс.
Айта кетейік, бұл Теміров үшін биылғы екінші кездесу. Сәуір айында ол Германияның Квакенбрюкен қаласында поляк Адам Цеслякты (8-26-1, 3 KO) техникалық нокаутпен жеңген болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
