UFC алғаш рет Катарда турнир өткізеді
UFC
UFC президенті Дана Уайт 22 қараша күні Дохада Fight Night турнирі өтетінін мәлімдеді, деп хабарлайды Pin-UpSport.kz.
Дананың айтуынша, ұйым бірнеше жылдан бері Катарға турнир апаруға ниетті болған. «Біз Абу-Дабиде көптен бері жұмыс істеп келеміз, енді географияны кеңейтіп жатырмыз. Катар — біз көптен бері жоспарлап жүрген бағыт. Бұл елге баруды ұзақ күттік, енді соған қол жеткіздік», — деді ол.
Бүгінде UFC Таяу Шығыста белсенді түрде дамып келеді. Абу-Дабиде тұрақты турнирлер өтсе, жақында Сауд Арабиясы мен Әзербайжан да қызығушылық танытты. Катарда өтетін алдағы жарыс — ұйым тарихындағы алғашқы турнир болмақ.
Айта кетейік, бұған дейін қазақстандық ММА жанкүйерлері UFC турнирі елімізде де ұйымдастырылады деген болжам жасаған. Ресми расталмаған деректерге сәйкес, келіссөздер әлі жалғасып жатыр.
