Тұрсағұлов пен Оразов «Қайраттан» кетуі мүмкін
Фото: Кайрат АФК
«Қайрат» Дәурен Тұрсағұлов пен Біржан Оразовтың болашағына қатысты келіссөздер жүргізді, деп хабарлайды Pin-UpSport.kz. Клуб екі ойыншының да мансабын басқа бағытта жалғастыруы мүмкін екенін растады.
Алматылық клубтың спорт директоры Густаво Парадеда тараптардың ұстанымдары талқыланғанын айтты. Оның сөзінше, Тұрсағұлов жеке себептерге байланысты шешім қабылдаған.
«Ойыншылармен келіссөздер жүргіздік, оған клуб басшылығы да қатысты. Біз тараптардың позициясын талқыладық. Бұл — “Қайратта” ұзақ жыл ойнап, команда үшін маңызды болған ойыншылар. Даурен Тұрсағұловқа келсек, негізгі факторлардың бірі — оның отбасы мен жақындарына жақын болу ниеті. Бұл — жеке шешім, біз оны түсінеміз және құрметтейміз», — деді ол Vesti.kz сайтына берген сұхбатында.
Парадеда Оразов туралы да пікір білдірді.
«Біржан Оразов бойынша да келіссөздер болды. Бұл — жоғары деңгейдегі, командаға көп пайдасын тигізген көшбасшы ойыншы. Белгілі бір сәтте ол да алға жылжуды жөн көрді. Клуб өз тарапынан шешім табуға тырысты, бірақ соңында ойыншылардың таңдауын құрметтейміз. Қазіргі таңда олар клуб ойыншылары ретінде маусым соңына дейін команданың міндеттеріне толық назар аударып отыр», — деді ол.
Тұрсағұлов пен Оразов «Қайраттың» негізгі құрамында 2018 жылдан бері ойнап келеді. Олар клубпен бірге ішкі жарыстарда бірнеше трофей жеңіп алып, екі рет Чемпиондар лигасының финалына дейін жеткен. Мәлімет бойынша, Тұрсағұлов «Семей» клубына ауысуы мүмкін.
