«Спартактан» кейін Максим Самородовқа «Краснодар» қызығушылық танытты
Максим Самородовтың «Ахматтан» кетуі мүмкін деген әңгіме «Спартакпен» келісім жүзеге аспағаннан кейін де жалғасын тапты. Жазғы трансфер кезеңінің соңғы күнінде мәскеулік клубқа ауысуы аяқсыз қалған Қазақстан құрамасының футболшысына енді «Краснодар» қызығушылық танытып отыр, деп хабарлайды Pin-UpSport.kz.
10 қыркүйекте «Ахмат» пен «Спартак» арасындағы келіссөздер соңғы кезеңге жеткен. Клубтар трансфердің негізгі шарттарын алдын ала келістіргенімен, мәміленің ресми рәсімделуі Самородовтың медициналық тексерісіне байланысты созылып кеткен. Тексеру кезінде футболшының шынашағындағы жарақатқа ерекше назар аударылды. Мәскеулік тарап медициналық суреттерді қарап, ойыншының қалпына келуіне төрт-алты апта қажет болуы мүмкін деген қорытындыға келген. Ал «Ахмат» өкілдері жарақатты күрделі деп есептемей, оның футболшының жаттығуына және матчтарға қатысуына кедергі келтірмейтінін айтқан.
Ақырында «Спартак» тәуекелге бармау туралы шешім қабылдап, трансферден бас тартты. Самородовтың ауысуы 650 миллион рубльге бағаланған, оған қоса 200 миллион рубльге дейін бонус қарастырылған. Инсайдер Иван Карповтың мәліметінше, келісімді аяқтауға уақыт жетпеген. Клубтар трансфер құнын талқылауға және медициналық тексеріске көп уақыт жұмсаған. Егер тараптардың қолында тағы бір күн болғанда, мәмілені аяқтау мүмкіндігі жоғары еді. Енді Самородовтың қысқы трансферіне «Краснодар» да үміткерлер қатарынан қосылуы мүмкін.
«Спартакқа» ауысу жүзеге аспағаннан кейін үш күн өткен соң Самородов «Ахматтың» негізгі құрамында РПЛ-дің Махачкаладағы «Динамосына» қарсы ойнады. Қазақстандық вингер алаңда 85 минут өткізіп, нәтижелі пас берді. Оның командасы 3:2 есебімен жеңіске жетсе, Самородов кездесудің үздік ойыншысы атанды. Осы маусымда 24 жастағы футболшы РПЛ-де жеті матч өткізіп, бір нәтижелі паспен көзге түсті. Бұған қоса, алдыңғы турдың қорытындысы бойынша ол Ресей чемпионатының символикалық құрамына енген.
