Сметовтың жеңіс жолы: Парижге апарар жолда спорттан кеткісі келген
Фото: Eurosport
Парижде өткен 2024 жылғы Олимпиада чемпионы Елдос Сметов жарыс қарсаңында мансабын аяқтауды ойлағанын айтты. Дзюдодан Қазақстан тарихындағы алғашқы Олимпиада жеңімпазы бұл шешімді Азия чемпионатындағы сәтсіздіктен кейін қабылдаған.
«Олимпиадаға жол қиын болды, жолдама алу оңай соқпады. Азия біріншілігінде жеңілген соң, үш ай қалғанда спортты тастаймын деп шештім. Үйге хабарласып, ата-анама айттым. Әкем: “Олимпиадаға аз уақыт қалды, бір мүмкіндік бер. Кейін өкінуің мүмкін” деді. Анам: “Саған оңай емес екенін білем, бірақ алда бір қуаныш барын сезіп жүрмін” деді. Осы сөздерден кейін менің спорттан кетуге құқым болмады. Жаттығуға қайта оралдым», – деді Сметов.
Көп күш, тер, еңбек пен қан кетсе де, Елдос айтулы жеңіске жетті. Ол енді Олимпиаданың барлық жүлдесіне ие болған қазақ дзюдошысы: Риода – күміс, Токиода – қола, Парижде – алтын.
Айбар Рысдаулет
Бублик «Ролан Гарроста» алғаш рет ширек финалға шықты
Данилина жұптық сында ширек финалға жолдама алды