Смақов «Тұранның» бапкерлер штабына қосылады
Самат Смаков. Фото: kff.kz
Қазақстандық маман Самат Смақов «Тұран» клубының бапкерлер штабына қосылып, бас бапкер Виктор Кумыковтың көмекшісі болады, деп хабарлайды Pin-UpSport.kz. Дереккөз мәліметінше, ол Түркістанға барып, жұмысын бастап кеткен.
Өткен маусым «Тұран» үшін сәтсіз өтті. Команда 16 ұпай жинап, ҚПЛ-дан шығып қалды. Мұндай нәтижеге қаржылық қиындықтар, басқарудағы тұрақсыздық және негізгі ойыншылардың кетуі әсер етті. Команда ұпайдың басым бөлігін маусымның алғашқы кезеңінде Виталий Жуковскийдің жетекшілігімен жинағанымен, екінші айналымда нәтижелер төмендеді.
2026 жылы клубта өзгерістер болды. «Тұран» кәсіпкер Дінмұхамед Идрисовтың қарамағына өтіп, наурыз айында бас бапкер қызметіне Виктор Кумыков тағайындалды. Енді клуб басшылығы Смақовтың тәжірибесі бапкерлер құрамын күшейтіп, нәтижені жақсартуға ықпал етеді деп күтуде.
Бұған дейін Самат Смақов «Жетісу» клубында жұмыс істеп, команданың ҚПЛ-дағы орнын сақтап қалуына көмектесті. Команда маусымды 12-орында аяқтады. Чемпионат аяқталғаннан кейін ол клубтан кеткен. Сонымен қатар маман «Ертіс» пен ресейлік «Черноморец» клубтарымен де байланыстырылған еді.
