Шомко ұлттық құрамаға оралғысы келетінін мәлімдеді
Фото: Getty Images
«Астана» командасының қорғаушысы Дмитрий Шомко маусымның екінші жартысындағы жеке мақсатын айтып, Қазақстан құрамасына қайта шақырылу мүмкіндігіне пікір білдірді, деп хабарлайды Pin-UpSport.kz.
Оның сөзінше, соңғы рет ұлттық құрамаға екі жыл бұрын, Магомед Адиев шақырған кезде барған. Ал қазіргі бапкер Али Алиевпен бұл тақырыпта әлі сөйлеспеген. «Мен ешқашан құрамаға барудан бас тартқан емеспін. Егер шақырса, қуана барамын», – деді қорғаушы.
«Бас бапкерге барып, құрамаға неге шақырмайсың деп сұрайтын адам емеспін. Мен ондай тәрбие көрген жоқпын. Құрама – футболшы үшін ең биік белес. Ол жерде сен елдің намысын қорғайсың», – деді ол Sport+ басылымына берген сұхбатында.
Айта кетейік, Дмитрий Шомко Қазақстан құрамасы сапында 48 матч өткізіп, екі гол соққан. Ол құрамадағы алғашқы ойынын 2011 жылы Беларуське қарсы өткізген.
