Шавкат Рахмонов UFC-де жеңгісі келетін қарсыласын атады
Қазақстандық UFC файтері Шавкат Рахмонов әлемдегі ең мықты ММА лигасында қай спортшымен жекпе-жек өткізгісі келетінін айтты, деп хабарлайды Pin-UpSport.kz. Ол әлеуетті қарсыластардың арасынан америкалық Хоакин Баклиді таңдады.
Рахмоновтың айтуынша, Бакли әлеуметтік желілерде және түрлі сұхбаттарда жиі пікір білдіреді. Қазақстандық спортшы онымен кездесуге мүмкіндік болса, октагонда күш сынасуға дайын екенін жеткізді.
31 жастағы Шавкат Рахмонов кәсіби мансабында әлі жеңілген жоқ. Оның рекорды – 19 жеңіс және бірде-бір жеңіліс. UFC-де ол алты жекпе-жек өткізіп, Мишель Празерес, Карлстон Харрис, Нил Мэгни, Джефф Нил, Стивен Томпсон және Иэн Гэрриден басым түсті. Осы жеңістердің бесеуін мерзімінен бұрын аяқтады.
Қазақстандық файтер соңғы жекпе-жегін 2024 жылдың желтоқсанында Лас-Вегаста өткен UFC 310 турнирінде өткізді. Сол кездесуде ол Иэн Гэрриді төрешілердің бірауыздан қабылдаған шешімімен жеңді. Кейін сол жақ тізесінен алған жарақатына байланысты ұзақ уақыт бойы жарыстан тыс қалып, бірнеше операциядан кейін оңалту кезеңінен өтті. Ақпанда Рахмонов белсенділік танытпағаны үшін UFC рейтингінен шығарылды, ал сәуірде жаттығуларын қайта бастады. Ол октагонға 2027 жылы оралуды жоспарлап отыр. Ал 32 жастағы Хоакин Баклидің рекорды – 21 жеңіс және сегіз жеңіліс. Америкалық соңғы екі жекпе-жегінде Шон Брэди мен бұрынғы UFC чемпионы Камару Усманнан жеңіліп қалды.
