Шавкат Рахмонов биыл чемпиондық белбеу үшін айқасуды көздеп отыр
Шавкат Рахмонов. Фото: Zuffa LLC
Қазақстандық Шавкат Рахмонов 2025 жылдың соңына дейін октагонға оралуды және бірден чемпиондық белбеу үшін жекпе-жек өткізуді жоспарлап отыр, деп хабарлайды Pin-UpSport.kz.
Қазіргі таңда 30 жастағы файтер тізе жарақатынан кейінгі оңалудан өтіп жатыр. «Вестник ММА» басылымына берген сұхбатында Шавкат: «Ең бастысы — жарақат мазаламаса болғаны. Қалпыма келсем, бірден белбеу үшін жұдырықтасқым келеді. Биыл айқасуға ниеттімін», — деді.
Айта кетейік, бұған дейін Рахмоновтың UFC 310 турнирінде Белал Мұхаммедпен кездесуі жоспарланған еді. Алайда қарсылас жарақатына байланысты жекпе-жектен бас тартты. Соның орнына Шавкат Иан Мачадо Гарримен кездесіп, төрешілердің бірауызды шешімімен жеңіске жетті. Оның көрсеткіші — 19 жеңіс, бірде-бір жеңіліс жоқ.
Осы аралықта полусред салмақтағы чемпиондық белбеу Джек Делла Маддаленаға өтті. Сондай-ақ дивизионда Ислам Махачев, Камару Усман мен Шон Брэди сынды жаңа үміткерлер пайда болды
