Серена Уильямс кәсіби тенниске қайта оралады
Атақты америкалық теннисші Серена Уильямс кәсіби спортқа қайта оралу туралы шешім қабылдады, деп хабарлайды Pin-UpSport.kz.
«Үлкен дулыға» турнирлерінің 23 дүркін чемпионы 8–14 маусым аралығында Лондонда өтетін WTA 500 санатындағы жарыстың қатысушылар тізіміне енді.
44 жастағы спортшы үшін бұл 2022 жылы мансабын аяқтағаннан кейінгі алғашқы ресми турнир болмақ.
Серена Уильямс әлемдік теннис тарихындағы ең табысты спортшылардың бірі саналады. Ол жекелей сында 23 мәрте «Үлкен дулыға» турнирінің жеңімпазы атанып, ұзақ жылдар бойы әлемдік рейтингтің көшбасшылары қатарында болды.
Лондондағы турнирде Уильямс жұптық сында өнер көрсетеді. Оның серіктесі 19 жастағы канадалық теннисші Виктория Мбоко болады.
Аталған жарысқа Қазақстанның бірінші ракеткасы Елена Рыбакина да қатысады. Қазақстандық теннисші бірінші нөмірмен тіркеліп, бәсекені екінші айналымнан бастайды.
Лондондағы турнир жетекші теннисшілер үшін Уимблдон алдындағы маңызды дайындық кезеңдерінің бірі саналады.
