«Селтик» ойыншысы Нюгрен: «Қайраттан» жеңілу – нағыз апат

«Селтиктің» шабуылшысы Беньямин Нюгрен Чемпиондар лигасының плей-оффында «Қайраттан» ұтылуды үлкен соққы деп бағалады, деп хабарлайды Pin-UpSport.kz. Оның айтуынша, алаң сапасы ойынды қиындатқанымен, команда бұдан да жақсы өнер көрсетуі тиіс еді.

«Мен қатты көңілім қалды. Не айтарымды да білмеймін. Алаң әсер етті, бірақ бұл сылтау емес – біз жақсы ойнауымыз керек болатын. Бұл – бәріміз үшін апат, арманым күл-талқан болды», – деді Нюгрен.

Швед ойыншысы алғашқы кездесуде-ақ шешім қабылдануы керек еді деп есептейді: «Біз екі ойында да өз деңгейімізден төмен ойнадық. Ал әрі қарай шығу үшін екі рет жақсы өнер көрсету қажет. Бүгін „Қайрат“ көп қорғанды, ол өз нәтижесін берді».

Сондай-ақ ол алдағы басты назардың «Рейнджерспен» өтетін дербиге ауысқанын атап өтті: «Жексенбі күні бізді өте маңызды ойын күтіп тұр. Бар күшімізді салып, әлдеқайда жақсы ойнауымыз керек», – деді футболшы.