Сейітқалиев жастар арасындағы әлем чемпионатында күміс жүлдегер атанды

Фото: UWW
Қазақстандық Диас Сейітқалиев Болгарияның Самоков қаласында өтіп жатқан грек-рим күресінен U20 әлем чемпионатында күміс медаль жеңіп алды, деп хабарлайды Pin-UpSport.kz.
82 келіге дейінгі салмақ дәрежесінде белдескен Сейітқалиев финалға дейін жетіп, шешуші айқаста Михаил Шкаринге 1:4 есебімен жол берді. Осы нәтижемен ол жеңіс тұғырының екінші сатысына көтерілді.
Осылайша, грек-рим күресі бойынша Қазақстан құрамасы әлем біріншілігінде алғашқы жүлдесіне қол жеткізді. 23 тамыз күні 55 келіге дейінгі салмақта Арсен Жұма қола медаль үшін кілемге шығады.