Сейітқалиев жастар арасындағы әлем чемпионатында күміс жүлдегер атанды
Фото: UWW
Қазақстандық Диас Сейітқалиев Болгарияның Самоков қаласында өтіп жатқан грек-рим күресінен U20 әлем чемпионатында күміс медаль жеңіп алды, деп хабарлайды Pin-UpSport.kz.
82 келіге дейінгі салмақ дәрежесінде белдескен Сейітқалиев финалға дейін жетіп, шешуші айқаста Михаил Шкаринге 1:4 есебімен жол берді. Осы нәтижемен ол жеңіс тұғырының екінші сатысына көтерілді.
Осылайша, грек-рим күресі бойынша Қазақстан құрамасы әлем біріншілігінде алғашқы жүлдесіне қол жеткізді. 23 тамыз күні 55 келіге дейінгі салмақта Арсен Жұма қола медаль үшін кілемге шығады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
