Саудия 2034 жылғы әлем чемпионатын 64 құрамамен өткізгісі келеді
Фото: saff.com.sa
Сауд Арабиясы 2034 жылғы футболдан әлем чемпионатын бұрын-соңды болмаған форматта – 64 құраманың қатысуымен өткізуді жоспарлап отыр. Бұл туралы елдің спорт министрі әрі корольдік әулетінің мүшесі, ханзада Абдулазиз бин Турки Әл-Фейсал мәлімдеді.
Бұл бастама турнир тарихындағы ең көп құрамалы чемпионат болуы мүмкін. Саудияның бұл ұсынысы футбол картасын кеңейтіп, жаһандық деңгейде жаңа мүмкіндіктер ашуға бағытталған.
Айта кетейік, бұған дейін мұндай идеяны КОНМЕБОЛ президенті Алехандро Домингес көтерген еді. Ол 2030 жылғы додаға орай 100 жылдықты атап өту үшін 64 құрамамен өткізуді ұсынған, бірақ бұл тек бір реттік жоспар болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
