Санжар Тәшкенбайдың жарақаты қаншалықты ауыр екені белгілі болды
Санжар Ташкенбай
Болгариядағы «Странджа» турниріндегі алғашқы жекпе-жектен кейін Санжар Тәшкенбайдың жарақатына қатысты жаңа мәліметтер белгілі болды.
Ирландиялық Луис Руниге қарсы айқаста Санжар қолын ауыртып алып, кездесу тоқтатылған еді. Алғашында дәрігерлер оның қолы сынған болуы мүмкін деп болжаса, кейін толық тексерістен соң сүйегінің аман екені анықталды. Қазір боксшының жағдайы жақсы.
Ол енді толық дайындыққа кірісіп, Кисловодскідегі оқу-жаттығу жиынына аттанады.
Айта кетейік, Санжар Тәшкенбай 2023 жылы Ташкентте өткен әлем чемпионатының жеңімпазы атанған.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
