Самородов маусым соңында «Ахматтан» кетуі мүмкін екенін жасырмады
Максим Самородов
Қазақстан құрамасы мен Ресейдің «Ахмат» клубында ойнайтын Максим Самородов өзі жайлы айтылып жатқан әңгімелерге мән бермейтінін айтты. Сондай-ақ шабуылшы маусым аяқталған соң команда ауыстыруы мүмкін екенін де жоққа шығармады.
— Қысқы үзілістен кейін жақсы бастадық. Бұл, әрине, жиындарда атқарылған еңбектің арқасы. Кем-кетік тұстарды түзеуге тырыстық, — дейді футболшы «Матч ТВ»-ге берген сұхбатында.
Жақсы ойын көрсетіп, гол соққан соң ел назарында жүргенін сезесің бе деген сұраққа Максим:
— Жоқ, ештеңеге мән бермеймін. Тек жаттығуда да, ойында да барымды салам. Қазір өз ойынымның жақсарғанын байқаймын. Мұның бәрі еңбекпен келді, — деп жауап берді.
Келешек жоспарлар жайлы да сұралғанда:
— Маусым аяқталған соң ұсыныстар болса, қарап көрем. Әзірге нақты ештеңе жоқ. Мықты чемпионатта ойнағым келеді, бірақ оған дейін әлі өсу керек, — деді Самородов.
Айбар Рысдаулет
Адиев Қазақстанға келді. Қай клубпен келіссөз жүргізіп жатыр?
«Хоффенхайм» түлегі Қазақстан құрамасына қосылуға дайын екенін айтты