Садриддиннің сәтсіздігі: жарақаттан соңғы раундқа дейін төтеп берді
Садриддин Ахмедов. Фото: sadriddin_____soq/Instagram
Кәсіпқой бокста алғаш рет жеңіссіз қалған Садриддин Ахмедов мексикалық Элиас Эспадаспен өткен жекпе-жекте тең нәтиже тіркеді. Он раундқа созылған айқастан кейін төрешілер қос боксшыға теңдей ұпай берді.
Кездесуден кейін Ахмедов бесінші раундта қолын сындырып алғанын айтып, соған қарамастан жекпе-жекті соңына дейін жалғастырғанын жеткізді. Бұл жарақат екінші бөліктегі шабуыл қарқынына әсер еткенін мойындады.
Садриддин жанкүйерлерден кешірім сұрап, жеңіске жетемін деген үміт болғанын жасырмады. Соған қарамастан, жанкүйерлер мен командасына алғыс білдірді.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
