Садриддин Ахмедов мансабында алғаш рет жеңіске жете алмады
Садриддин Ахмедов. Фото: Sportnews.kz
Қазақ боксшысы Садриддин Ахмедов (15-0-1, 13 КО) АҚШ-тың Калифорния штатындағы Коммерс қаласында өткен бокс кешінің басты жекпе-жегінде шаршы алаңға шықты.
Оның қарсыласы мексикалық тәжірибелі боксшы Элиас Эспадас (23-6-1, 16 КО) болды. Бірінші орта салмақта өткен жекпе-жек он раундқа жоспарланып, барлық раунд соңына дейін жалғасты. Қорытындысында төрешілер тең нәтиже тіркеді.
Бұл – Ахмедовтың кәсіби мансабындағы алғашқы тең ойыны. Бұған дейін ол өткізген 15 жекпе-жектің бәрінде жеңіске жеткен еді. Айта кетейік, бұл Садриддиннің 2025 жылғы алғашқы айқасы. Өткен жылы ол екі америкалықты нокаутпен жеңген болатын.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
