Садриддин Ахмедов 21 қарашада АҚШ-та шаршы алаңға шығады
Садриддин Ахмедов. Фото: Sportnews.kz
Қазақ боксшысы Садриддин Ахмедов (15-0-1, 13 КО) келесі жекпе-жегінің өтетін күні белгілі болды, деп хабарлайды Pin-UpSport.kz.
BoxRec.com дерегінше, оның кезекті айқасы 21 қарашада Калифорния штатының Лонг-Бич қаласында өтеді. Турнирді Том Лёффлердің (360 Promotions) промоутерлік компаниясы ұйымдастырады, жекпе-жектер UFC Fight Pass платформасында көрсетіледі. Қарсыласының есімі әзірге жарияланған жоқ.
«Солдат Q» атанған Ахмедов соңғы жекпе-жегін 19 сәуірде Коммерс қаласында өткізіп, мексикалық Элиас Эспадаспен (23-7-1, 16 КО) күтпеген жерден тең түскен еді. Алдағы айқас боксшының АҚШ-тағы төртінші кездесуі болмақ. Ол Геннадий Головкиннің командасымен — бапкер Абель Санчес, промоутер Том Лёффлер және менеджер Олег Германнмен жұмысын жалғастыруда.
