Рыбакина үздік ондықтағы тағы бір теннисшіні жеңді
Фото: Пресс-служба ФТК
2022 жылғы Уимблдон чемпионы, әлемнің 10-ракеткасы Елена Рыбакина Қазақстан құрамасы сапында кезекті мәрте жоғары деңгейдегі қарсыласын тізе бүктірді, деп хабарлайды Pin-UpSport.kz
Билли Джин Кинг Кубогы жарысында ол әлемнің 7-ракеткасы Джессика Пегуланы 6:4, 6:1 есебімен жеңді.
Opta Ace дерегіне сүйенсек, бұл — Рыбакинаның 2020 жылдан бері топ-10 ойыншыларын ұтудағы 22-жеңісі. Бұл көрсеткіш бойынша көшбасшы — Ига Швентек (52 жеңіс), одан кейін Арина Соболенко (39) және Кори Гауфф (29) тұр. Пегуланың еншісінде — 23, ал Рыбакина бір қадам ғана артта (22).
Алайда бұл жеңіс Қазақстан құрамасын жартылай финалға шығара алмады. АҚШ құрамасы 2:1 есебімен үстем түсті.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
