17 жастағы Сатпаев Чемпиондар лигасы рекордын жаңарта алмады
Фото: Getty Images
Лиссабонның «Спортингіне» қарсы өткен Чемпиондар лигасының топтық кезеңіндегі ойында «Қайраттың» жас шабуылшысы Дастан Сатпаев толық 90 минут алаңда болды, деп хабарлайды Pin-UpSport.kz. Алайда ол нәтижелі әрекетімен көзге түсе алмады.
Егер Сатпаев гол соқса, ол Чемпиондар лигасының тарихындағы ең жас гол авторы атанар еді. Бұл рекорд әзірге 17 жас 40 күнінде мерген атанған Ансу Фатиге тиесілі. Алматылық футболшы ойынға 17 жас 38 күнінде шыққан болатын.
Sofascore дерегінше, Сатпаев 6.3 ұпай алды — бұл «Қайрат» сапындағы ең төмен бағалардың бірі. Қорытындысында алматылықтар 1:4 есебімен жеңіліп, жалғыз голды бразилиялық Эдмилсон соқты.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
