Рыбакина мен Фис WTL турниріне қатыспайды
Елена Рыбакина. Фото: Пресс-служба ФТК
2022 жылғы Уимблдон чемпионы және әлемнің бесінші ракеткасы қазақстандық Елена Рыбакина, сондай-ақ рейтингте 40-орында тұрған француз теннисшісі Артюр Фис 2025 жылы Бангалорда өтетін Дүниежүзілік теннис лигасына қатысудан бас тартты, деп хабарлайды Pin-UpSport.kz. Үшінші рет ұйымдастырылатын бұл турнир 17–20 желтоқсан аралығында өтіп, әлемдік теннистің бірқатар жұлдыздарын біріктірмек.
WTL жарысы көрермендерге арналған командалық форматымен және балл есептеудің ерекше жүйесімен ерекшеленеді. Турнир алғашқы жылдарынан бастап жоғары деңгейдегі ойыншыларды тартып, маусымаралық кезеңдегі маңызды дайындық алаңдарының біріне айналды. Өткен маусымда бәсеке Абу-Дабиде өтіп, ұйымдастыру сапасы жағынан оң бағаланған.
Рыбакина мен Фистің бас тартуынан кейін ұйымдастырушылар олардың орнын басатын теннисшілерді жариялады. Қазақстандық спортшының орнына әлемнің 14-ракеткасы Элина Свитолина (Украина) қатысады. Фистің орнына ATP рейтингінде 23-орында тұрған канадалық Денис Шаповалов шығады. Сонымен қатар Даниил Медведев, Ник Кирьос, Паула Бадоса, Гаэль Монфис, Магда Линетт, Марта Костюк және Үндістан өкілдері Рохан Бопанна мен Сумит Нагал өз қатысуын растады.
Қатысушылар құрамындағы өзгерістер турнир деңгейін сақтауға мүмкіндік береді. WTL жаңа маусым алдындағы дайындық жарысы ретінде танылған, сондықтан жаңартылған құрам жанкүйерлерге тартысты ойындар ұсынады деп күтіледі.
Айбар Рысдаулет
Жорди Альба «Барселона» Мессиге арналған қоштасу рәсімін «Камп Ноуда» өткізуі тиіс деп санайды
Қазақстан Эр-Риядтағы Ислам ынтымақтастығы ойындарында 56 медаль жеңіп алды