Рыбакина Майамидегі турнирде Путинцеваны жеңді
Фото: WTA
Қазақстандық теннисші Елена Рыбакина Майамиде өтіп жатқан WTA 1000 турнирінің үшінші кезеңіне жолдама алды, деп хабарлайды Pin-UpSport.kz. Ол екінші айналымда отандасы Юлия Путинцеваны жеңді.
Әлемдік рейтингте екінші орында тұрған Рыбакина 75-орындағы Путинцеваға қарсы матчта сенімді ойын көрсетті. Кездесу нәтижесінде ол 6:3, 6:3 есебімен екі сетте жеңіске жетіп, келесі кезеңге өтті.
Бұл матч Рыбакина үшін Miami Open-2026 турниріндегі алғашқы ойын болды, себебі ол жарысты екінші айналымнан бастады. Ал Путинцева бірінші айналымда Индонезия өкілі Джанис Тьенді 3:6, 6:3, 6:4 есебімен жеңіп, келесі кезеңге өткен еді.
Майами турнирінің жүлде қоры 9 415 725 долларды құрайды. Жеңімпаз 1 151 380 доллар және 1000 рейтингтік ұпайға ие болады.
Автор туралы
Айбар Рысдаулет
Спорт журналисі, шолушы. Отандық футбол мен олимпиадалық спорт түрлерін жіті бақылаймын. Токио Олимпиадасында және Қазанда өткен БРИКС ойындарынан тікелей хабар тараттым.
Барлық авторлық жазбаларды көру
Алдыңғы мақала:
ҚПЛ клубтары Opta рейтингінде орын алдыКелесі мақала:
Бублик Майамидегі турнирде Берреттиниге жол берді