Руслан Мадиев қарсыласын ерте тоқтатуға ниетті
Руслан Мадиев. Фото: LightRocket via Getty Images
Қазақстандық боксшы Руслан Мадиев алдағы жекпе-жекке дайындық барысымен бөлісті. Ол 6 маусым күні Испанияның Жирона қаласында мексикалық Хорхе Батальямен жұдырықтасады.
Мадиев өзін жақсы сезінетінін айтып, қазірден бастап салмақты түсіру жұмыстары басталғанын жеткізді. Қарсыласының бірқатар жекпе-жектерін қарап шыққан ол Батальяның алға ұмтылатын, көп соққы жасайтын боксшы екенін атап өтті. Соған қарамастан, Руслан айқасты толық он раундқа жоспарлап отырғанын, бірақ мүмкін болса, ерте аяқтауға тырысатынын айтты.
Айта кетейік, Мадиев соңғы жекпе-жегін 1 ақпанда Бангкокте өткізіп, филиппиндік Али Канеганы ұпай санымен жеңіп, WBA Asia белбеуін иеленген болатын.
Автор туралы
Айбар Рысдалует
Спортивный журналист и обозреватель. Специализируется на казахстанском футболе и олимпийских видах спорта. Побывал на Олимпийских играх в Токио и играх БРИКС.
Барлық авторлық жазбаларды көру
