Роналду клубтар арасындағы әлем чемпионатына қатысу үшін Англияға қайта оралуы мүмкін
Криштиану Роналду. Фото: Getty Images
Футбол тарихындағы ең үздік сұрмергендердің бірі саналатын Криштиану Роналду Клубтық әлем чемпионатына қатысу үшін клубын ауыстыруы ықтимал. Қазіргі таңда Сауд Арабиясының «Әл-Наср» командасында ойнап жүрген португалиялық жұлдыз Англияға қайта оралуды көздеп отыр.
Араб журналисі Насир Джаббардың (Sport Bible) хабарлауынша, Роналду бір айлық келісімшартқа қол қойып, «Манчестер Сити» немесе «Челси» клубтарының біріне қосылуы мүмкін. Бұл қадам оған әлем чемпионатына қатысуға жол ашпақ.
Айта кетейік, Криштиану бұған дейін Англияда «Манчестер Юнайтед» сапында өнер көрсетіп, Чемпиондар лигасын жеңіп алған. Сонымен қатар, бұған дейін де футболшының Клубтық әлем чемпионатына қатысу мақсатында «Интер Майамиға» ауысуы мүмкін деген ақпарат тараған.
