Роналду Джорджина Родригеспен құда түсті
Сауд Арабиясының «Әл-Наср» клубының португалиялық шабуылшысы Криштиану Роналду тоғыз жылдан бері бірге жүрген сүйіктісі, модель Джорджина Родригеспен ресми түрде құда түсті, деп хабарлайды Pin-UpSport.kz.
Джорджина әлеуметтік желіде саусағындағы ірі гауһар тасы бар сақина бейнеленген суретті жариялап, «Иә, қалаймын. Бұл өмірде де, барлық өзге өмірлерде де» деп жазды. Сарапшылар салмағы 15–20 карат болатын бұл әшекейдің бағасын 2–5 миллион доллар деп бағалады. Ал егер ол Harry Winston, Graff немесе Cartier секілді брендтердің қолынан шықса, құны одан да қымбат болуы мүмкін.
Жұптың бес баласы бар: үлкен ұлы Криштиану-жуниор 2010 жылы дүниеге келген. 2017 жылы суррогат анадан егіздері — Ева мен Матео өмірге келді. Сол жылы ортақ қыздары Алана Мартина, ал 2022 жылы кенжелері Белла Эсмеральда дүниеге келді. Джорджина Роналдудың үлкен балаларын да өз туғанындай тәрбиелеп келеді.
