Ришат Хайбуллин Азия жағажай ойындарында қола жүлде алды
Фото: НОК РК
Қазақстандық спортшы Ришат Хайбуллин Қытайдың Санья қаласында өтіп жатқан 2026 жылғы Азия жағажай ойындарында қола жүлдеге ие болды, деп хабарлайды Pin-UpSport.kz. Ол спорттық құзға өрмелеуден жекелей сында жүлдегер атанды.
Хайбуллин жарыс барысында тұрақты нәтиже көрсетіп, бірнеше кезеңнен сәтті өтті. 1/8 финалда ол өз командаласы Дамир Тоқтаровты жеңді. Кейін ширек финалда қытайлық Цзян Гуоны жарыс жолынан шығарды.
Жартылай финалда қазақстандық спортшы индонезиялық Робби Аль Хильмиден жеңіліп, қола медаль үшін күреске түсті. Шешуші кездесуде ол Қытай өкілі Шоухон Чумен кездесті.
Қола жүлде үшін өткен сайыста Хайбуллин 4,81 секунд нәтиже көрсетіп, қарсыласынан басым түсті. Осылайша, ол жүлдегерлер қатарына еніп, Қазақстан құрамасының қоржынына медаль қосты.
